સ્નેહગીતા
પદ ૨
રાગ: મારુ (‘દુઃખી દિવસ ને રાત, શ્રીજી વિના દુઃખી’ એ ઢાળ)
સ્નેહને રે સમાન, ના’વે કોઈ સ્નેહને રે સમાન ।
રાગી1 ત્યાગી ને તપસ્વી રે, વળી ધરે વન જઈ ધ્યાન... ના’વે ॥૧॥
જોગ જગન બહુ જજતાં2 રે, તજતાં તેનું મને માન ।
તજી ઘરવાસ ઉદાસ ફરે કોય, કરે તીરથ વ્રતદાન... ના’વે ॥૨॥
માળા તિલક ધરે ફરે ફક્ત, નખ શિખા વધારી નિદાન ।
કરે અટન3 રટન નિરંતર, વળી કરે ગંગાજળ પાન... ના’વે ॥૩॥
સ્નેહ નહિ જેને નાથશું રે, શું થયું કરતાં રે જ્ઞાન ।
નિષ્કુળાનંદ સ્નેહી જનને, વશ સદા ભગવાન... ના’વે ॥૪॥ પદ ॥૨॥